[b]متزوج ارهابي[/b]

تريد اكتب غزل وانساها الهموم
وانه ويه الغزل نافض كوامه
شكتب يا غزل واتغزل ابيش
يخي خله سكته بلا ملامه
انا شاعر حقيقي واملك احساس
اترف من جنح اترف حمامه
ويهزني الجمال الحيل مملوح
واطرب لو شفت بعض الوسامه
واسكر وانتشي بنظرات العيون
وتسحرني الشفايف ببتسامه
لكن ادري لكن سبب بلواي
المثلي واجب يسحب كلامه
خصام ويه المرء من كبل عشرين
فشك وسلاح يوميه انترامه
مااكتب غزل صدكوني معذور
شما اطب لبيتنا تقوم القيامه
متزوج ارهابي ولابس احزام
بس يزعل عليه ينسف احزامه
انا محتاج خطة امن للبيت
تطب لبيتنا وتنزع الغامه
حتى اكتب شعر من صدك مرتاح
واوزع هاتفي وانشر ارقامه
لان مو بايلي يوميه تفتيش
تشوفه عيون زرقاء اليمامه