حلاوة وطيب للياكل من تمرنه
نحب نسمع كلامك من تمرنه ( تأمرنه تتأمر
علينه )
تميل البصره كلها من تمرنه
والك شط العرب ياخذ تحيه
ترف من يوم هجرك مايعاني
ويعاني الكلب منك ما يعاني
لون تذبل سكيتك مايعاني
ولك روحي اقدمهه هديه
وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه
رشيق الطول كال بشعر صفنه
وجمالك بلشعر يراد صفنه
بطولك لو تجي وتصير صفنه
صفر ينطونه وينطوك ميه
خدودك يا ترف من وردة حمرة
و شفايف كالعسل من غير حمرة
بس وياي تنطي العين حمرة
و ارق من النسيم وية البقية
عميت ومتت بفراكك وانا حب
تكلي ما احبنك وانا حب
طلبت الماي من غيري وانا حب
اموت واظل عطشان حبك للمنية
حبيبي اشلون ماحبك ولابيك
وامك ماتحن مثلي ولابيك
عساهن بيه لوعاتك ولابيك
وتحـول كل ألـم منك عليه
الأحد أكتوبر 02, 2011 7:27 am
